ჩვენი ყველა დანახარჯი დეკლარირებულია, მოდი, ის ფული დათვალეთ, რომელიც ბიუჯეტიდან მოიპარა ივანიშვილის პარტიამ, ჯიბეში ჩაიდო და ხალხის ხარჯზე გამდიდრდა, ეგ ფული დათვალეთ და ამ სისულელეებს მოეშვით, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა, რითაც უპასუხა კითხვას, რომლის მიხედვით, „სტრატეგია აღმაშენებელმა“ და „ნაციონალურმა მოძრაობამ“ სოციალურ ქსელებში რეკლამაზე 180 ათასი დოლარი დახარჯეს.
„ჩვენ სიმართლეს ვეუბნებით ადამიანებს, თქვენთვის არ გაძვირდა პროდუქტების ფასი? თქვენ არ გაწუხებთ საწვავის გაძვირება? თქვენ და თქვენს ოჯახის წევრებს არ აწუხებთ უმუშევრობა? თქვენ არ გაწუხებთ, რომ ადამიანები ემიგრაციაში მიდიან? სისულელეებს მოეშვით“, – განაცხადა გიორგი ვაშაძემ.
