არ ვფიქრობ, რომ არჩევნებზე „ოცნების“ შანსები სტატუსით გაიზარდა, მაგრამ ოპოზიცია ჯერჯერობით არასახარბიელოდ არის წარმოდგენილი, - ამის შესახებ „საფარის“ ხელმძღვანელმა, ბაია პატარაიამ განაცხადა.
„ახლა, მე არ ვფიქრობ, რომ „ქართული ოცნების“ შანსები სტატუსით გაიზარდა არჩევნებზე. პირიქით, ევროკავშირმა აჩვენა თავისი ძალა, ურყევი ნება, რომ ის არ ამბობს უარს საქართველოზე და ნამდვილად იბრძოლებს საქართველოსთვის, ახლა კი ჯერი არის ქართველ ამომრჩეველზე. გაზრდილია, ცხადია, უკმაყოფილება ქართული ოცნების მიმართ, გავიდა 11 წელი და ვხედავთ, რა მოგვიტანეს მათ. მაგრამ მე მაგალითად, მიმაჩნია, რომ სერიოზული კრიზისია ოპოზიციურ ფლანგზე, რას ვთავაზობთ ამომრჩეველს, რომელსაც არ მოსწონს ქართული ოცნება, რას სთავაზობს მათ ოპოზიცია. ოპოზიცია ჯერჯერობით არასახარბიელოდ არის წარმოდგენილი. მათ უნდა გადახედონ საკუთარ პოლიტიკას, უნდა გადახედონ იმას, ერთიანად წარდგებიან თუ არა არჩევნებზე და ძალიან ბევრი რამ დამოკიდებულია იმაზე, თუ როგორ მოიქცევა ოპოზიცია“, - განაცხადა ბაია პატარაიამ „ტვ პირველის“ ეთერში.
