უკრაინის პრეზიდენტი ვოლოდიმირ ზელენსკი ადასტურებს, რომ შეიარაღებული ძალების მთავარსარდლის, ვალერი ზალუჟნის შეცვლაზე ფიქრობს. ამის შესახებ მან იტალიურ ტელეარხ RAI-სთან ინტერვიუში ისაუბრა.
"ზალუჟნი? ჩვენ გვჭირდება გადატვირთვა, ხელმძღვანელობის შეცვლა და არა მხოლოდ სამხედრო... გადატვირთვა, ახალი დასაწყისი ნამდვილად საჭიროა", - განაცხადა ზელენსკიმ.
პრეზიდენტი აღნიშნავს, რომ როდესაც გადატვირთვაზე საუბრობს, გულისხმობს მთავრობის ლიდერების მთელი რიგის როტაციას და არა მხოლოდ ერთ სექტორში.
"ეს ეხება ერთზე მეტ ადამიანს და ქვეყნის ხელმძღვანელობის მიმართულებებს", - ამბობს ის.
