რუსეთის პრეზიდენტმა ვლადიმირ პუტინმა საჯაროდ აღიარა, რომ ქვეყნის რეგიონებში საწვავის მწვავე დეფიციტია. აღნიშნული განცხადება მთავრობის წევრებთან გამართულ შეხვედრაზე გაკეთდა.
პრეზიდენტის თქმით, კრიზისი განპირობებულია საწვავის მიწოდების ლოგისტიკურ ჯაჭვებში შექმნილი შეფერხებებით. პუტინმა ხაზი გაუსვა, რომ პრობლემამ უშუალოდ იმოქმედა რიგით მოქალაქეებზე და ადგილობრივ ბაზარზე ფასების ზრდა გამოიწვია.
პუტინმა მიუთითა, რომ საწვავის ტრანსპორტირებისას წარმოქმნილმა დაბრკოლებებმა რეგიონების უზრუნველყოფის პროცესი შეაფერხა.
მიწოდების სიმცირემ საწვავზე ფასების მატება განაპირობა, რაც განსაკუთრებით საგრძნობია სოფლის მეურნეობისა და ტრანსპორტის სექტორებისთვის.
პუტინმა შესაბამის უწყებებს დაავალა, დაუყოვნებლივ მიიღონ ზომები საწვავის დეფიციტის აღმოსაფხვრელად და მიწოდების სტაბილური ნაკადების აღსადგენად.
მიუხედავად იმისა, რომ ხელისუფლება ცდილობს სიტუაციის გამოსწორებას, ექსპერტები აღნიშნავენ, რომ რუსეთის ნავთობგადასამუშავებელი ინდუსტრია მნიშვნელოვანი ზეწოლის ქვეშ იმყოფება, რაც, არსებული გეოპოლიტიკური და ეკონომიკური ფაქტორების გათვალისწინებით, პრობლემის სწრაფად გადაჭრას ართულებს.
