ვისკონსინის უზენაესი სასამართლოს არჩევნებში დემოკრატების მხარდაჭერილმა კანდიდატმა სუზან კროფორდმა რესპუბლიკელების კანდიდატი ბრედ შიმელი დაამარცხა.
„დღეს ვისკონსინის ხალხმა მოიგერია უპრეცედენტო თავდასხმა ჩვენს დემოკრატიაზე, ჩვენს სამართლიან არჩევნებზე და ჩვენს უზენაეს სასამართლოზე“, ვისკონსინმა ხმამაღლა განაცხადა, რომ სამართლიანობა შეუფასებელია და ჩვენი სასამართლოები არ იყიდება, - განაცხადა სუზან კროუფორდმა არჩევნების შედეგების გამოცხადების შემდეგ სიტყვით გამოსვლისას.
მასკმა და მისმა მხარდამჭერმა ჯგუფებმა 21 მილიონ დოლარზე მეტი გაიღეს თავიანთი კანდიდატის მხარდასაჭერად და კროუფორდის დასამარცხებლად. მასკი არჩევნებამდე ორი დღით ადრე ვისკონსინშიც კი გაემგზავრა, რათა ორი ამომრჩევლისთვის პირადად გადაეცა 1 მილიონი დოლარის ჩეკები.
სუზან კროუფორდი ცნობილია იმით, რომ ხელმძღვანელობდა სამართლებრივ ბრძოლას პროფკავშირებისა და აბორტის უფლებების დასაცავად და ეწინააღმდეგებოდა მოთხოვნას ამომრჩევლის მიერ ფოტოსურათიანი პირადობის მოწმობის წარდგენის აუცილებლობის შესახებ. სუზან კროუფორდის არჩევის შემდეგ ვისკონსინის შტატში ლიბერალებს უმრავლესობა მინიმუმ სამი წლის განმავლობაში ექნებათ.
