თეთრმა სახლმა ოფიციალური განცხადება გაავრცელა, რომელშიც აღნიშნულია, რომ შეერთებულ შტატებსა და ირანს შორის მიმდინარე მოლაპარაკებები პოზიციურ დინამიკას ინარჩუნებს.
ადმინისტრაციის წარმომადგენლების თქმით, მხარეებს შორის დიალოგი კონსტრუქციულ რეჟიმში გრძელდება. ოფიციალური ვაშინგტონი ხაზს უსვამს, რომ არსებობს გარკვეული პროგრესი იმ საკითხებზე, რომლებიც აქამდე მხარეებს შორის უთანხმოების საგანს წარმოადგენდა.
თეთრი სახლი აცხადებს, რომ აქტიურად მუშაობს ყველა არსებულ დიპლომატიურ არხზე, რათა პროცესი შეუფერხებლად და შედეგზე ორიენტირებულად წარიმართოს.
მიუხედავად რეგიონში არსებული რთული ფონისა, ვაშინგტონში დადებითად აფასებენ ირანული მხარის ჩართულობას და მზაობას, განიხილონ კომპლექსური საკითხები.
ადმინისტრაციაში აცხადებენ, რომ მოლაპარაკებების დეტალები, უსაფრთხოების მიზნებიდან გამომდინარე, ჯერჯერობით გასაიდუმლოებულია, თუმცა კონსულტაციები უახლოეს დღეებშიც გაგრძელდება.
ანალიტიკოსების ნაწილი მიიჩნევს, რომ ეს განცხადება მიანიშნებს მხარეებს შორის დაძაბულობის დეესკალაციისკენ გადადგმულ მნიშვნელოვან ნაბიჯზე.
