აშშ-ის ვიცე-პრეზიდენტმა, ჯეი დი ვენსმა მიიღო გადაწყვეტილება დატოვოს პაკისტანი მას შემდეგ, რაც ირანთან ომის დასრულების მიზნით წარდგენილი „საბოლოო შეთავაზება“ უშედეგოდ დასრულდა. როგორც ფაქტები მეტყველებს, შეერთებულ შტატებსა და ირანს შორის დაძაბულობა პიკს აღწევს. პაკისტანში გამართული ხანგრძლივი დისკუსიები მხარეებს შორის წარუმატებელი აღმოჩნდა.
მიუხედავად იმისა, რომ მოლაპარაკებების მორიგი რაუნდი კვირას უნდა გამართულიყო, აშშ-ის ვიცე-პრეზიდენტმა ჯეი დი ვენსმა ღამით განაცხადა, რომ ის შეერთებულ შტატებში ირანთან შეთანხმების გარეშე ბრუნდება.
„ჩვენ ვბრუნდებით შეერთებულ შტატებში ისე, რომ შეთანხმებას ვერ მივაღწიეთ“, — განაცხადა ჯეი დი ვენსმა ისლამაბადში გამართულ მოკლე პრესკონფერენციაზე. ამერიკული და ირანული მხარეები შაბათის შემდეგ აწარმოებდნენ დიალოგს, თუმცა ვიცე-პრეზიდენტმა სინანული გამოთქვა იმის გამო, რომ თეირანისგან ვერ მიიღო „მყარი პირობა“ ბირთვული შეიარაღების პროგრამაზე უარის თქმის შესახებ.
