ამის შესახებ ინფორმაციას ისრაელის გამოცემა „ჰარეცი“ ავრცელებს.
შაბათს, ისრაელის სამხედრო სარდლობამ განაცხადა, რომ პარასკევს სამხრეთ ლიბანში ისრაელელი ჯარისკაცი დაიღუპა. ისრაელის თავდაცვის ძალების ცნობით, ჯარისკაცი თავისიანების მიერ გახსნილი ცეცხლით დაიღუპა.
სამხედროების ცნობით, 21 წლის პირველი კლასის სერჟანტი გაი ლუდარი იუვალიმიდან, რომელიც ისრაელის თავდაცვის ძალების სპეციალური დანიშნულების ბრიგადის „მაგლანის“ დანაყოფის ჯარისკაცი იყო, ღამით სამხრეთ ლიბანში ტერორისტულ ორგანიზაცია „ჰეზბოლასთან“ დაკავშირებული ეჭვმიტანილის დასაკავებლად ჩატარებული ოპერაციის დროს დაიღუპა თავისიანების მიერ გახსნილი ცეცხლით. ინციდენტის შედეგად კიდევ ერთი ჯარისკაცი მძიმედ დაიჭრა და საავადმყოფოში გადაიყვანეს.
საინფორმაციო სააგენტო „ფრანს-პრესის“ ცნობით, მარტის დასაწყისში საბრძოლო მოქმედებების დაწყებიდან სამხრეთ ლიბანში სულ მცირე 11 ისრაელელი ჯარისკაცი დაიღუპა.
