რუსეთის ფედერაციის უზენაესმა სასამართლომ ძალაში დატოვა ცენტრალური საარჩევნო კომისიის გადაწყვეტილება და პარტია "იაბლოკოს" აპელაცია არ დააკმაყოფილა. აღნიშნული გადაწყვეტილებით, პოლიტიკური გაერთიანება ოფიციალურად ჩამოშორდა მოახლოებულ საარჩევნო პროცესებს.
უზენაესი სასამართლოს კოლეგიამ უცვლელი დატოვა ქვედა ინსტანციის განაჩენი და მიიჩნია, რომ ცესკოს გადაწყვეტილება კანონიერი იყო. პარტიას არჩევნებში მონაწილეობის უფლება საბოლოოდ წაერთვა.
საარჩევნო კომისიამ და სასამართლომ ფორმალურ საბაბად პარტიის ფედერალურ სიაში აღმოჩენილი ხარვეზები და ზოგიერთი შემოწირულების წარმომავლობასთან დაკავშირებული ეჭვები გამოიყენეს.
"იაბლოკოში" აცხადებენ, რომ საარჩევნო პროცესებიდან მათი ჩამოშორება პოლიტიკურად მოტივირებულია და მიზნად ისახავს ქვეყანაში ბოლო დამოუკიდებელი, ომის მოწინააღმდეგე ხმის ჩახშობას. სასამართლოს შენობასთან ამ გადაწყვეტილების ფონზე საპროტესტო აქციაც გაიმართა, რა დროსაც ათობით მხარდამჭერი დააკავეს.
