რუსეთის სასამართლომ დაუსწრებლად პატიმრობა უკრაინაში "ქართული ლეგიონის" შემადგენლობაში მებრძოლ კიდევ ორ ქართველს შეუფარდა.
საუბარია ამჯერად ქართლოს რუსიტაშვილსა და თორნიკე ტივაძეზე, რომლებიც, პუტინის სასამართლოს მტკიცებით, დაქირავებული "ბოევიკები" არიან და რუსული საოკუპაციო ჯარის წინააღმდეგ "პირადი გამდიდრების მიზნით" იბრძოდნენ.
მისივე ინფორმაციით, ტივაძე ამჟამად რუსეთის მიერ ანექსირებულ "დონეცკისა და ლუჰანსკის სახალხო რესპუბლიკების" ტერიტორიებზე "მატერიალური გასამრჯელოს სანაცვლოდ" იბრძვის, რუსიტაშვილი კი დონეცკში მიმდინარე ბრძოლებში 2024 წლის სექტემბრამდე იყო ჩართული.
პუტინის სასამართლომ ორივეს დაუსწრებლად 14-წლიანი პატიმრობა შეუფარდა და :საერთაშორისო ძებნაში" გამოაცხადა.
