ამის შესახებ ინფორმაციას „ფოქს ნიუსი“ ავრცელებს
პრეზიდენტმა ბაიდენმა ორშაბათს თანამდებობის დატოვებამდე რამდენიმე წუთით ადრე შეიწყალა თავისი ოჯახის წევრები.
შეწყალება ეხება მის ძმას, 1949 წელს დაბადებულ ჯეიმს ბაიდენს, სარა ჯონს ბაიდენს - ჯეიმს ბაიდენის მეუღლეს, დას, 1945 წელს დაბადებულ ვალერი ბაიდენ ოუენსს, ჯონ ოუენსს - ვალერი ბაიდენის მეუღლეს და 1953 წელს დაბადებულ ფრენსის ბაიდენს - ჯო ბაიდენის ძმას, - განაცხადა თეთრმა სახლმა.
ჯო ბაიდენის თქმით, არსებობს საშიშროება, რომ მის მიერ თანამდებობის დატოვების შემდეგ, მისი ოჯახის წევრების მიმართ „პოლიტიკურად მოტივირებული გამოძიება“ შეიძლება მოხდეს.
„მე მჯერა კანონის უზენაესობის და ოპტიმისტურად ვარ განწყობილი, რომ საბოლოოდ ჩვენი ძლიერი ჩვენი სამართლებრივი ინსტიტუტები გაიმარჯვებენ პოლიტიკაზე, მაგრამ უსაფუძვლო და პოლიტიკურად მოტივირებული გამოძიებები ზიანს აყენებს სამიზნე ადამიანებისა და მათი ოჯახების სიცოცხლეს, უსაფრთხოებას და ფინანსურ კეთილდღეობას“, - თქვა ბაიდენმა.
