გერმანიის კანცლერ ოლაფ შოლცის განცხადებით, უკრაინაში მშვიდობის მიღწევამდე ჯერ კიდევ შორია და რომ ქვეყნის მოკავშირეებმა მისი უსაფრთხო მომავალი უნდა უზრუნველყონ.
უკრაინაში სამშვიდობო ძალების შეყვანის შესაძლებლობის შესახებ დასმულ კითხვაზე, შოლცმა უპასუხა, რომ უკრაინის პარტნიორი ქვეყნები უსაფრთხოების გარანტიების საკითხს უახლოეს მომავალში განიხილავენ.
"კარგი ამბავი იქნება, თუ უკრაინაში ომი დასრულდება, მაგრამ, მაშინაც კი, ჩვენ მაინც მოგვიწევს უკრაინის უსაფრთხო მომავლის უზრუნველყოფა. შემდეგ საუბარი შეეხება უსაფრთხოების გარანტიებს და ასევე იმას, თუ როგორ შეუძლია უკრაინას შეინარჩუნოს ძლიერი არმია, რომლის შეიარაღებასაც ერთად შევძლებთ. ჩვენ უახლოეს მომავალში განვიხილავთ ამას ჩვენს მოკავშირეებთან", - განაცხადა გერმანიის კანცლერმა Rheinische Post-თან ინტერვიუში.
ამასთან, მან ხაზი გაუსვა, რომ ახლა ასეთი სპეკულაციების დრო არ არის, რადგან უკრაინელების გარეშე არაფერი უნდა გადაწყდეს.
"ჩვენ ჯერ კიდევ შორს ვართ მშვიდობისგან", - დასძინა გერმანიის კანცლერმა.
