ვიეტნამში, ლაოსში, ტაილანდსა და მიანმარში ტაიფუნი „იაგის“ მსხვერპლთა რაოდენობა 500–ს აჭარბებს, – იუწყება BBC.
ოფიციალური მონაცემებით, წყალდიდობის შედეგად მიანმარში დაღუპულთა რაოდენობა 226-მდე გაიზარდა, 80-მდე ადამიანი კი უგზო-უკვლოდ დაკარგულად ითვლება.
ტაიფუნ „იაგის“ 10 ადამიანი ემსხვერპლა ტაილანდში და ერთი ლაოსში. ვიეტნამში დაღუპულთა რიცხვი 292-ს შეადგენს, დაკარგულად ითვლება 38 ადამიანი, დაზიანდა 230 000-ზე მეტი სახლი და 280 000 ჰექტარი მოსავალი.
გაერომ განაცხადა, რომ სამოქალაქო ომის შედეგად განადგურებულ ქვეყანაში ნახევარ მილიონზე მეტ ადამიანს სასწრაფოდ ესაჭიროება საკვები, ასევე სასმელი წყალი, თავშესაფარი და ტანსაცმელი.
