აშშ-ის სენატის საგარეო ურთიერთობათა კომიტეტის წევრი, სენატორი ჯინ შაჰინი პარტია „ახლის“ ერთ-ერთი ლიდერის, ზურაბ ჯაფარიძის დაკავებას შემზარავსა და უსამართლოს უწოდებს. ამის შესახებ შაჰინი სოციალურ ქსელში წერს.
„ქართველი ოპოზიციონერი პოლიტიკოსის, ზურაბ ჯაფარიძის დაკავება შემზარავი და უსამართლოა. ამგვარი ქმედებები კიდევ ერთხელ ადასტურებს, რომ კონგრესი უნდა დადგეს ქართველი ხალხის გვერდით „ქართული ოცნების“ მთავრობის მიერ დემოკრატიული ინსტიტუტების ჩახშობის წინააღმდეგ“, – წერს სენატორი შაჰინი.
დროებითი საგამოძიებო კომისიის მიმართვის საფუძველზე, პროკურატურამ ჯაფარიძეს ბრალი სისხლის სამართლის კოდექსის 349-ე მუხლით წარუდგინა, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს და ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
"The detention of Georgian opposition politician, @Zuraja is appalling and unjust. Actions like this prove, yet again, that Congress should stand with the Georgian people in the face of the Georgian Dream government's crackdown on democratic institutions." -@SenatorShaheen https://t.co/YpLq1FlUwb
— Senate Foreign Relations Committee (@SFRCdems) May 23, 2025
