იეღოვას მოწმეები სისხლის გადასხმის წესებს ამსუბუქებენ და ახლა საკუთარი სისხლის შენახვისა და გამოყენების უფლებას აძლევენ, - იუწყება „ლოს-ანჯელეს ტაიმსი“
პარასკევს, ნიუ-იორკში დაფუძნებულმა იეღოვას მოწმეთა მმართველმა საბჭომ გამოაცხადა, რასაც ის თავისი დოქტრინის „განმარტებას“ უწოდებს.
რელიგიური მიზეზების გამო სისხლის გადასხმის აკრძალვა შემსუბუქდა და წევრებს ახლა უფლება აქვთ თავად გადაწყვიტონ, სურთ თუ არა მათი სისხლის წინასწარ შეგროვება და შენახვა, მაგალითად, დაგეგმილი ოპერაციისთვის, რომელიც სისხლის დაკარგვის რისკის ქვეშაა.
თუმცა, ორგანიზაცია კვლავ ინარჩუნებს უფრო ფართო აკრძალვას სხვისი სისხლის მიღებაზე - ეს მოძრაობაში ერთ-ერთი ყველაზე საკამათო პოზიციაა.
„ყველა ქრისტიანმა თავად უნდა გადაწყვიტოს, თუ როგორ გამოიყენებს საკუთარ სისხლს სამედიცინო და ქირურგიული მკურნალობისთვის“, - განაცხადა მმართველი საბჭოს წარმომადგენელმა გერიტ ლოიშმა ვიდეომიმართვაში, რომელიც კრების ვებსაიტზე გამოქვეყნდა.
