ჩრდილოეთ კორეამ დღეს დილით, აღმოსავლეთის ზღვის მიმართულებით ბალისტიკური რაკეტა გაისროლა. სამხრეთ კორეის გენშტაბის ინფორმაციით, რაკეტამ დაახლოებით 700 კილომეტრი დაფარა.
რაკეტა ვონსანის რაიონიდან გაუშვეს და იაპონიის ექსკლუზიური ეკონომიკური ზონის გარეთ დაეცა. ფხენიანის ოფიციალური განცხადებით, გაშვებული რაკეტა ზუსტად 700 კილომეტრზე დაეცა, თუმცა, მათივე მტკიცებით, „მტერმა“ მანძილი 680 კილომეტრად შეაფასა.
გაშვებას წინ უძღოდა დაძაბულობა დემილიტარიზებულ ზონაში. სეულის ცნობით, ჩრდილოეთ კორეის მიერ ჩადებულ ნაღმზე სამი სამხრეთ კორეელი სამხედრო დაშავდა. ფხენიანმა ბრალდება უარყო. სახელმწიფო სააგენტო KCNA-ს მიერ გავრცელებულ განცხადებაში კიმ ჩენ ინის და, კიმ იო ჯონგი, სამხრეთ კორეის ბოდიშის მოთხოვნას „საზიზღრობა“ უწოდა.
KCNA ტრადიციულად ტრაბახის ტონით აშუქებს მსგავს ტესტებს და ხაზს უსვამს, რომ ახალი სისტემების ტრაექტორიის თვალყურის დევნება მტრისთვის შეუძლებელია.
ვაშინგტონის შეფასებით, ეს მოვლენა არ წარმოადგენს უშუალო საფრთხეს. აშშ-ის წყნარი ოკეანის სარდლობის განცხადებით, „ეს მოვლენა არ წარმოადგენს უშუალო საფრთხეს აშშ-ის პერსონალისთვის ან ტერიტორიისთვის, ან ჩვენი მოკავშირეებისთვის“ და ვაშინგტონი მოკავშირეებთან კონსულტაციებს განაგრძობს.
წყარო: KCNA.kp; , U.S. Indo-Pacific Command - განცხადება 03.10.2026 რაკეტის გაშვებაზე (ციტირებულია Al Jazeera, Türkiye Today)
მოამზადა რაულ კაპანაძემ
