ახალი გამოკითხვის თანახმად, ამერიკელი ამომრჩევლების ნახევარზე მეტი არ იწონებს დონალდ ტრამპის მიერ ინფლაციისა და ეკონომიკის მართვას, რაც იმაზე მიუთითებს, რომ მისი სატარიფო პოლიტიკა და ირანთან ომი უარყოფითად მოქმედებს რესპუბლიკელების პერსპექტივებზე აშშ-ის შუალედური არჩევნების წინ, - აღნიშნავს „ფაინენშელ ტაიმსი“.
გასულ კვირას Focaldata-ს მიერ „ფაინენშელ ტაიმსისთვის“ ჩატარებულმა გამოკითხვამ აჩვენა, რომ ნოემბრის კონგრესის არჩევნების წინ ინფლაცია და ცხოვრების ფასების ზრდა ამომრჩევლების მთავარ საზრუნავად რჩება
გამოკითხვამ აჩვენა, რომ რეგისტრირებული ამომრჩევლების თითქმის 58 პროცენტი „კატეგორიულად“ ან „ნაწილობრივ“ არ იწონებს ტრამპის მიერ ინფლაციის და ცხოვრების ღირებულების ზრდის მართვას. ნახევარზე მეტმა ასევე გამოთქვა უკმაყოფილება მისი მიდგომით სამუშაო ადგილებისა და ეკონომიკის მიმართ.
გამოკითხულთა დაახლოებით 55 პროცენტმა განაცხადა, რომ ტრამპის ტარიფებმა უარყოფითად იმოქმედა შეერთებული შტატების ეკონომიკაზე, მაშინ როცა მხოლოდ დაახლოებით მეოთხედი თვლის, რომ მისმა სავაჭრო პოლიტიკამ ეკონომიკური პირობების გაუმჯობესება გამოიწვია.
ეს დასკვნები ტრამპის ადმინისტრაციისთვის პოლიტიკურად მგრძნობიარე დროს, შუალედურ არჩევნებამდე ექვსი თვით ადრე გავრცელდა. ირანთან მიმდინარე კონფლიქტმა გამოიწვია საწვავის და სამომხმარებლო ფასების ზრდა და გამოავლინა უთანხმოება ტრამპის ლოზუნგის - „ისევ დიდებული გავხადოთ ამერიკა“- იმ მხარდამჭერი წრის შიგნით ბაზის შიგნით, რომელმაც მას 2024 წლის არჩევნებში მხარი დაუჭირა ინფლაციის შემცირებისა და შიდა ინტერესების პრიორიტეტულობის დაპირების გამო.
ტრამპმა ცოტა ხნის წინ განაცხადა, რომ ბენზინის ფასები „მნიშვნელოვნად დაეცა“. რეალურად კი აშშ-ში ბენზინის საშუალო ფასი თითქმის 50 პროცენტით მეტია, ვიდრე იყო კონფლიქტის დაწყებამდე.
გამოკითხვამ ასევე აჩვენა, რომ ამომრჩეველთა თითქმის 54 პროცენტი არ იწონებს ტრამპის მიერ ირანთან ომის მართვას, ხოლო მესამედზე ნაკლები იწონებს. რესპუბლიკელებს შორისაც კი, დაახლოებით ყოველი მეხუთე რესპონდენტი უკმაყოფილებას გამოთქვამს კონფლიქტის მართვის მიმართ.
საერთო ჯამში, ამომრჩეველთა 54 პროცენტზე მეტმა განაცხადა, რომ არ იწონებს ტრამპის, როგორც პრეზიდენტის, მუშაობას, მაშინ როცა მხოლოდ 39 პროცენტი იწონებს. დამოუკიდებელი ამომრჩევლები განსაკუთრებით კრიტიკულად არიან განწყობილნი, 58 პროცენტზე მეტს კი მის მიმართ უარყოფითი აზრი აქვს.
გამოკითხვის თანახმად, შუალედური არჩევნების წინ რეგისტრირებულ ამომრჩევლებს შორის დემოკრატები ამჟამად რვა პუნქტით უსწრებენ რესპუბლიკელებს, ხოლო დამოუკიდებელ ამომრჩევლებს შორის უპირატესობა კიდევ უფრო დიდია. ამჟამად რესპუბლიკელები აკონტროლებენ როგორც წარმომადგენელთა პალატას.
თეთრი სახლის პრესმდივანმა კუშ დესაიმ დაიცვა ადმინისტრაციის პოლიტიკა და განაცხადა, რომ გადასახადების შემცირება, დერეგულაციური ზომები და ენერგეტიკული პროგრამა უზრუნველყოფს აშშ-ის ეკონომიკის მდგრად ზრდას. მან დასძინა, რომ ირანის კონფლიქტის შედეგების შემსუბუქების შემდეგ, ამერიკელები ბენზინის ფასების შემცირებას, ინფლაციის შემცირებას და ინვესტიციების შემდგომ ზრდას იხილავენ.
ონლაინ გამოკითხვა Focaldata-მ 1-დან 5 მაისამდე ჩაატარა 3,167 რეგისტრირებულ ამომრჩეველს შორის და ცდომილების ზღვარი პლუს-მინუს 2.1 პროცენტული პუნქტი იყო.
