ამის შესახებ სომხური პრესა იუწყება.
რეზოლუციას სომხეთის ევროკავშირში გაწევრიანების შესაძლებლობის განხილვის შესახებ, რომლის ავტორიც ევროპის სახალხო პარტია იყო და წარდგენილი იქნა როგორც ყველა ფრაქციის ერთობლივი ინიციატივა, მხარი ევროპარლამენტის 504-მა დეპუტატმა დაუჭირა, წინააღმდეგი იყო 4 დეპუტატი და თავი შეიკავა 32-მა დეპუტატმა.
„თუ სომხეთი დაინტერესებულია კანდიდატის სტატუსის მოპოვებით და გააგრძელებს მდგრადი რეფორმების გზას, რომელიც აძლიერებს მის დემოკრატიას, ეს შეიძლება გახდეს ევროკავშირ-სომხეთის ურთიერთობების ტრანსფორმაციის ეტაპის საფუძველი“, - ნათქვამია ევროკავშირის საკანონმდებლო ორგანოს დეპუტატების ერთობლივი რეზოლუციის პროექტში. .
დეპუტატები მოუწოდებენ ევროკავშირის აღმასრულებელ ორგანოებს, კომისიას და საბჭოს, აქტიურად დაუჭირონ მხარი სომხეთს ევროკავშირთან თანამშრომლობის გაფართოებაში არა მხოლოდ ეკონომიკური პარტნიორობის, არამედ პოლიტიკური დიალოგის, უსაფრთხოების, ადამიანებსა და სხვა ქვეყნებს შორის ურთიერთობების სფეროებში.
