ევროკომისიის პრეზიდენტი 1-2 ივლისს რეგიონული ტურნეს ფარგლებში აზერბაიჯანსა და სომხეთს ეწვევა. მაღალი რანგის ვიზიტის მთავარი მიზანი ევროკავშირსა და სამხრეთ კავკასიის ქვეყნებს შორის ორმხრივი თანამშრომლობის გაღრმავება და რეგიონში სტაბილურობის ხელშეწყობაა.
ვიზიტის ფარგლებში დაგეგმილია შეხვედრები აზერბაიჯანისა და სომხეთის უმაღლესი რანგის ხელმძღვანელებთან. მხარეები განიხილავენ ევროკავშირთან პარტნიორობის დღის წესრიგს.
ევროკომისიის პრეზიდენტი ყურადღებას გაამახვილებს სამხრეთ კავკასიაში არსებულ უსაფრთხოების გამოწვევებზე, მათ შორის სომხეთსა და აზერბაიჯანს შორის მიმდინარე სამშვიდობო პროცესის მნიშვნელობაზე.
განხილვის თემებს შორის იქნება ენერგეტიკული უსაფრთხოება, დაკავშირებადობის პროექტები და ევროკავშირის ფინანსური დახმარების ინსტრუმენტების ეფექტიანი გამოყენება რეგიონის განვითარებისთვის.
