რუსეთი შურისძიებით ემუქრება მოლდოვას მოსკოვის წინააღმდეგ ევროკავშირის სანქციების ოთხ პაკეტთან მიერთების გამო.
რუსეთის ფედერაციის საგარეო საქმეთა სამინისტროს პრესმდივანმა მარია ზახაროვამ ტრადიციულად დაადანაშაულა მოლდოვა "მტრულ ნაბიჯებში" და "ანტირუსულ კამპანიაში", რომელიც მიზნად ისახავს "რუსეთ-მოლდოვური ურთიერთობების სრულ განადგურებას".
ამასთან, მიის მტკიცებით, თავად მოლდაველები „უმეტესად მეგობრული არიან რუსეთის მიმართ და დაინტერესებულნი არიან ორმხრივი თანამშრომლობის შენარჩუნებითა და განვითარებით“.
"მოლდავური მხარის გადაწყვეტილება უპასუხოდ არ დარჩება. მიღებული ზომების შესახებ ინფორმაცია დამატებით იქნება", - განაცხადა ზახაროვამ.
მანამდე რუსეთის საგარეომ განაცხადა, რომ რამდენიმე მოლდაველ ოფიციალურ პირს აუკრძალა ქვეყანაში შესვლა რუსული პროპაგანდისტული მედიისთვის შექმნილი პრობლემების გამო. მოლდოვა რუსული მედიარესურსების ბლოკირებას შეუდგა, თვლის რა, რომ მათ მიერ გავრცელებული დეზინფორმაცია საფრთხეს უქმნის ქვეყნის უსაფრთხოებას.
გასულ კვირას მოლდოვას საგარეო საქმეთა და ევროპასთან ინტეგრაციის მინისტრმა ნიკუ პოპესკუმ განაცხადა, რომ მოლდოვა შეუერთდა სანქციების ოთხ პაკეტს, რომელიც ევროკავშირმა დააწესა რუსეთის წინააღმდეგ ბოლო წელიწად-ნახევრის განმავლობაში.
