აშშ-სა და ისრაელის საჰაერო დარტყმების შედეგად დაახლოებით 40 ირანელი მაღალჩინოსანი დაიღუპა. ამის შესახებ CBS News-ს წყაროებზე დაყრდნობით იუწყება.
უცნობია, ეს მაღალჩინოსნები ერთ ადგილას იმყოფებოდნენ თუ სხვადასხვა ლოკაციაზე.
აშშ-ის პრეზიდენტმა დონალდ ტრამპმა განაცხადა, რომ საჰაერო დარტყმის შედეგად უზენაესი ლიდერი აიათოლა ალი ხამენეი დაიღუპა.
დაიღუპნენ ირანის თავდაცვის მინისტრი ამირ ნასირზადე და ირანის რევოლუციური გვარდიის მეთაური მოჰამედ პაკპური.
