ამერიკის შეერთებულ შტატებში 7 ათასამდე ავიარეისი გადაიდო. ინფორმაციას Reuters ავრცელებს.
სააგენტოს ცნობით, ავიარეისების გადადების მიზეზი ქვეყნის მთავრობის მუშაობის დროებითი შეჩერებით, ე. წ. შათდაუნით გამოწვეული პრობლემებია, კერძოდ, დისპეტჩერების არასაკმარისი რაოდენობა.
ავიარეისების უმეტესობა ნიუ-ჯერსის, ოსტინისა და დალასის აეროპორტებში გადაიდო.
"შათდაუნი" აშშ-ში უკვე 27-ე დღეა გრძელდება. ყველაზე ხანგრძლივი "შათდაუნი" შტატების ისტორიაში, დონალდ ტრამპის პრეზიდენტობის პირველი ვადის დროს, 2018 წლის ბოლოს დაიწყო და 35 დღის განმავლობაში გაგრძელდა.
