აშშ-ის წარმომადგენელთა პალატამ მხარი დაუჭირა კანონპროექტს რუსეთის წინააღმდეგ სანქციების გამკაცრების შესახებ, რომელიც გარდაცვლილმა რესპუბლიკელმა სენატორმა ლინდსი გრემმა შეიმუშავა და წინ წასწია. ახლა დოკუმენტი ხელმოსაწერად აშშ-ის პრეზიდენტ დონალდ ტრამპს გადაეგზავნება. ადრე მან ამ ინიციატივის მხარდაჭერის შესახებ განაცხადა.
კანონპროექტი, რომელსაც მედიაში ზოგჯერ "გრემის ბილსაც" უწოდებენ, აშშ-ის პრეზიდენტ დონალდ ტამპს საშუალებას აძლევს, 100%-იანი ბაჟი დააწესოს რუსული ნავთობისა და გაზის ხუთ უმსხვილეს მყიდველზე, აგრეთვე იმ ხუთ ქვეყანაზე, რომლებიც რუსეთს ენერგეტიკული სანქციების გვერდის ავლაში ეხმარებიან. ამასთან, დოკუმენტში გათვალისწინებულია გამონაკლისები იმ ქვეყნებისთვის, რომლებიც რუსეთიდან მოხმარებული ბუნებრივი აირის 15%-ზე ნაკლებ წილს იღებენ და ამ იმპორტის შემცირებისკენ ნაბიჯებს დგამენ.
იგივე კანონპროექტი ახანგრძლივებს ირანის წინააღმდეგ დაწესებული ამერიკული სანქციების მოქმედებას.
როგორც გამოცემა The Hill აღნიშნავს, ეს კანონპროექტი აშშ-ის კონგრესში უკრაინისთვის დახმარების თემაზე 2024 წლის აპრილის შემდეგ პირველი ორპარტიული ინიციატივა გახდა. დოკუმენტს მხარი დაუჭირა 262-მა კონგრესმენმა (მათ შორის: 203 რესპუბლიკელმა და 58 დემოკრატმა), წინააღმდეგი კი 159 გამოვიდა (7 რესპუბლიკელი და 152 დემოკრატი).
