მსოფლიო ჩემპიონატის ფინალურ მატჩში საფრანგეთის ეროვნული ნაკრების დამარცხებას ქვეყნის მასშტაბით მასობრივი არეულობები მოჰყვა. საფრანგეთის შინაგან საქმეთა სამინისტროს ინფორმაციით, სამართალდამცველებმა მთელი ქვეყნის მასშტაბით 160-ზე მეტი ადამიანი დააკავეს.
მატჩის დასრულებისთანავე, საფრანგეთის დიდ ქალაქებში - პარიზში, ლიონში, მარსელსა და ბორდოში - გულშემატკივართა ჯგუფები ქუჩებში გამოვიდნენ. მშვიდობიანი დემონსტრაციები მალევე გადაიზარდა პოლიციასთან შეტაკებებში.
სამართალდამცავი ორგანოების ცნობით, არეულობის მონაწილეები აზიანებდნენ საზოგადოებრივ ინფრასტრუქტურას, ამსხვრევდნენ ვიტრინებს, აყენებდნენ ზიანს ავტომობილებს და ცეცხლს უკიდებდნენ ნაგვის ურნებს. პოლიციამ ვითარების განმუხტვის მიზნით ცრემლსადენი გაზი და სპეციალური საშუალებები გამოიყენა.
საფრანგეთის ხელისუფლების წარმომადგენლებმა მომხდარი კატეგორიულად დაგმეს. შინაგან საქმეთა მინისტრმა განაცხადა, რომ "სპორტული მარცხი ძალადობისა და კანონდარღვევის გამართლება ვერ იქნება".
დაკავებულის 160-ზე მეტი პირი, ძირითადად საზოგადოებრივი წესრიგის დარღვევისა და პოლიციაზე თავდასხმის ბრალდებით.
არეულობების შედეგად დაშავდა რამდენიმე პოლიციელი და მოქალაქე, თუმცა მათ სიცოცხლეს საფრთხე არ ემუქრება.
ამ დროისთვის ქალაქების ცენტრალურ ნაწილებში ვითარება კონტროლქვეშაა, თუმცა სამართალდამცველები მომდევნო რამდენიმე დღის განმავლობაში გაძლიერებულ რეჟიმში გააგრძელებენ მუშაობას, რათა თავიდან იქნეს აცილებული განმეორებითი არეულობები.
