ამერიკის იუსტიციის დეპარტამენტი ტელეკომპანია "ფორმულას" მიერ ლობისტური კომპანიის დაქირავების შესახებ ინფორმაციას ავრცელებს.
FARA-ში გამოქვეყნებული დოკუმენტის მიხედვით, ლობისტური კომპანია "ფორმულას" გარშემო შექმნილ ვითარებაზე ინფორმაციას ამერიკულ მედიას, ანალიტიკურ ცენტრებსა და ორგანიზაციებს მიაწვდის. ჯამში ტელევიზია მომსახურებაში 420 ათას დოლარს იხდის.
პროექტი მოიცავს:
შეერთებულ შტატებში შეტყობინებების და მასალების შემუშავება და კორექტირება "ფორმულას" პრიორიტეტების გასაუმჯობესებლად, მათ შორის საქართველოში თავისუფალი და დამოუკიდებელი მედიის დაცვის ადვოკატირება;
მედიასთან ურთიერთობის სტრატეგიის შემუშავება და განხორციელება, რათა მივწვდეთ მთავარ არჩეულ ოფიციალურ პირებს და პოლიტიკოსებს, ასევე მედიის, ანალიტიკური ცენტრების, საჯარო პოლიტიკის და სავაჭრო ორგანიზაციების, ბიზნესასოციაციების, გამოცემების ექსპერტებს და აკადემიკოსებს;
მიმდინარე კომუნიკაციის კონსულტაციების უზრუნველყოფა, აგრეთვე შეხვედრების/ბრიფინგების ხელშეწყობა და დაგეგმვა, კლიენტისთვის საინფორმაციო მასალების შემუშავება, რომელიც შეიძლება მოიცავდეს პრესრელიზებს, ვებგვერდებს, ელ. წერილებს და წერილებს;
ამერიკული მედიის მონიტორინგი "ფორმულასთან" დაკავშირებული შესაბამისი საკითხებისთვის;
აშშ-ს შესაბამის მედიასთან კომუნიკაცია;
გამომუშავებული და ფასიანი მედია ძალისხმევის შემუშავება და მხარდაჭერა.
ვადები:
ხელშეკრულების ვადა დაიწყება იმ თარიღიდან, როდესაც ყველა მხარე შეასრულებს ამ შეთანხმებას და გაგრძელდება 12 თვის განმავლობაში. ნებისმიერ მხარეს შეუძლია, შეწყვიტოს ეს ხელშეკრულება მიზეზით ან უმიზეზოდ, ნებისმიერ დროს, წერილობითი გაფრთხილებიდან ოცდაათი (30) დღის განმავლობაში. "ფორმულა" გადაუხდის Cornerstone-ს ყველა გადასახადს და ხარჯს, რომელიც სხვაგვარად ეკისრება მას ამ შეთანხმების პირობების შესაბამისად, ასეთი შეწყვეტის ძალაში შესვლამდე.
მოსაკრებელი, ადმინისტრაციული მოსაკრებელი და ხარჯები:
მომსახურების მოცულობის გადახდა განხორციელდება ოთხი (4) გადახდით ას ხუთი ათასი აშშ დოლარის ($105,000.00) პლუს გონივრული და ჩვეულებრივი ხარჯებით, წინასწარ დამტკიცებული ნებისმიერი მგზავრობის ჩათვლით, "ფორმულას" მიერ.
