ალექსანდრ ლუკაშენკო დონალდ ტრამპს, ვოლოდიმირ ზელენსკისა და ვლადიმერ პუტინს მინსკში სამშვიდობო მოლაპარაკებებზე შეხვედრას სთავაზობს.
არსებული ინფორმაციით, ბელარუსის ლიდერმა ამერიკელ ბლოგერთან ინტერვიუში აშშ-ს მიერ, უკრაინისთვის სამხედრო დახმარების შეწყვეტაზეც ისაუბრა და ასევე აღნიშნა, რომ მას სურს დაეხმაროს დონალდ ტრამპს კიევსა და მოსკოვს შორის მშვიდობის დამყარებაში.
"მინსკი მზად არის, რომ უმასპინძლოს აშშ-ს, უკრაინისა და რუსეთის ლიდერებს რუსეთის მიერ უკრაინის წინააღმდეგ ომის დასასრულებლად.
თუ გსურთ, აქ მოდით.
მხოლოდ 200 კილომეტრია ბელარუსის საზღვრიდან კიევამდე, ნახევარი საათი თვითმფრინავით. შეგიძლიათ მოხვიდეთ და აქ დასხდეთ - შეთანხმებამდე მშვიდად, ხმაურისა და ყვირილის გარეშე მივალთ.
უთხარით ტრამპს, რომ მე მას ველოდები აქ - ისევე, როგორც პუტინსა და ზელენსკის.
ჩვენ დავსხდებით და მშვიდად მოვილაპარაკებთ". - თქვა ლუკაშენკომ ამერიკელ ბლოგერთან ინტერვიუში.
