ეს ისტორია შარლ დე გოლის ეპოქიდან დაიწყო და დღემდე გრძელდება - ივ ბაჰუ უკვე 67 წელია სოფელ პრიეს სათავეში უდგას.
ამ კვირას, 15 მარტს გამართულ მუნიციპალურ არჩევნებზე, საფრანგეთის პოლიტიკურ ისტორიაში იშვიათი რეკორდი დაფიქსირდა. 93 წლის ივ ბაჰუ (Yves Bahu), ენიის (Aisne) დეპარტამენტის პატარა სოფელ პრიეს მერად, ზედიზედ მეთორმეტე ვადით აირჩიეს.
დაუმარცხებელი კანდიდატი
სოფელში, სადაც დაახლოებით ორმოცდაათი მცხოვრებია, მოქმედი მერის წინააღმდეგ კანდიდატურის დაყენება ვერავინ გაბედა.
ივ ბაჰუ არჩევნებზე ერთადერთი კანდიდატი იყო და ხმების 100% მიიღო.
67 წელი მერის სავარძელში
მისი პოლიტიკური კარიერა შორეულ 1959 წელს დაიწყო — იმ პერიოდში, როდესაც ლეგენდარული შარლ დე გოლი საფრანგეთის სათავეში მხოლოდ რამდენიმე კვირის მოსული იყო. მას შემდეგ ბაჰუ შეუცვლელად მართავს სოფელს, რაც მას ქვეყნის მასშტაბით მოქმედ არჩეულ პირებს შორის მმართველობის ხანგრძლივობის აბსოლუტურ რეკორდსმენად აქცევს.
