მამუკა მდინარაძე: უმრავლესობის შიგნით ორი ახალი ფრაქცია იქმნება

"უმრავლესობის შიგნით ორი ახალი ფრაქცია იქმნება, ჩვენ საგაზაფხულო სესიაზე ახალი გადახალისებული შემადგენლობით წარვდგებით",- ამის შესახებ ჟურნალისტებთან ფრაქცია "ქართული ოცნების" თავმჯდომარემ მამუკა მდინარაძემ განაცხადა.

მდინარაძის თქმით, ამაში იგულისხმება გადაჯგუფება, უკეთესი კოორდინაციისთვის.

"კოორდინაციისთვის, უკეთესი მენეჯმენტისთვის ვფიქრობთ, რომ იქნება ამ გადაჯგუფების მთავარი მიზანი- კარგი მენეჯმენტი.

მართალია, რომ ერთი დიდი 86 კაციანი და პატარა 6 კაციანი ფრაქციები საუკეთესო მენეჯმენტის საფუძველი არ არის, რა თქმა უნდა იქნება ერთი მთავარი ფრაქცია "ქართული ოცნება" და იქნება დამატებით კიდევ ორი ფრაქცია.

ფრაქციებს შორის დეპუტატების ამ ჩაშლის ერთ-ერთი ინიციატორი პირადად მე გახლდით, იმის გათვალისწინებით, რომ 86 კაციანი ერთი ფრაქცია და რამდენიმე 6 კაციანი ფრაქცია მენეჯმენტის საუკეთესო წყარო არ შეიძლება იყოს",- განაცხადა მდინარაძემ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად