იენს სტოლტენბერგი: “უკრაინის ყველა პრობლემის გადაწყვეტა ნატოს არ შეუძლია”

"უკრაინის ყველა პრობლემის გადაწყვეტა ნატოს არ შეუძლია",-ამის შესახებ ნატოს გენერალურმა მდივანმა იენს სტოლტენბერგმა გამართულ პრესკონფერენციაზე განაცხადა.

როგორც სტოლტენბერგმა აღნიშნა, საბოლოო ჯამში უკრაინელებმა თავად უნდა გადაწყვიტონ საკუთარი პრობლემები.

"ნატო ძალიან ხშირად არის პასუხი ბევრ პრობლემაზე. მაგრამ ნატო ყოველთვის არ არის ერთადერთი პასუხი ყველა პრობლემაზე. ჩვენ არ შეგვიძლია გადავწყვიტოთ უკრაინის ყველა პრობლემა. საბოლოოდ, ისევ უკრაინელებმა თავად უნდა გადაწყვიტონ საკუთარი პრობლემები",-განაცხადა სტოლტენბერგმა.

ამასთან, სტოლტენბერგი ალიანსის მიერ უკრაინის მხარდაჭერისთვის განხორციელებულ პროექტებს შეეხო და ერთ-ერთ მთავარ პრიორიტეტად სპეციალური ფონდი დაასახელა. 2014 წელს ნატომ უკრაინაში 4 მიზნობრივი ფონდი შექმნა, რომლებითაც უკრაინაში უშიშროების კუთხით რეფორმები დაფინანსდება. ფონდში მობილიზებული თანხები სამხედრო ლოჯისტიკას, კომუნიკაციას, კიბერუსაფრთხოებას და დაშავებულთა რეაბილიტაციის პროგრამებს ეხმარება.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად