წყალქვეშა ნავი, რომელსაც ტურისტები ჩაძირული ტიტანიკის ნარჩენებთან მიჰყავდა, ატლანტის ოკეანეში გაუჩინარდა

სამძებრო სამუშაოები ამ დრომდე გრძელდება. მასში ჩართულები არიან, როგორც აშშ-ის სახელმწიფო სამსახურები, ასევე წყალქვეშეთის მკვლევარი კომპანიები.

გაუჩინარებული წყალქვეშა ხომალდი, რომელიც ტურისტულ კომპანია OceanGate-ს ეკუთვნის, დაახლოებით, სატვირთო მანქანის ზომისაა. ბორტზე ის 5 ადამიანსა და ოთხი დღის სამყოფ ჟანგბადს იტევს. ამ ნავით 3 800 მეტრის სიღრმეზე ჩაძირული ტიტანიკის სანახავად ტურის ღირებულება $250 ათასს შეადგენს.

მსგავს წყალქვეშა ნავზე, როგორც წესი, პილოტი, ეკიპაჟის კიდევ ერთი წევრი და სამი ტურისტია ხოლმე. ხომალდი გეზს იღებს ტიტანიკის ჩაძირვის ადგილიდან 600 კილომეტრის დაშორებით, კუნძულ ნიუფაუნდლენდის მახლობლად. ტური 8 საათის განმავლობაში გრძელდება.