გაზაფხულის სუნთქვასთან ერთად, თბილისის გულში სამეგრელოს სურნელი იღვრება. რესტორანი „სირაჯხანა“ (მის: ვახტანგ გორგასლის #8/10) 29 მარტიდან, ერთი თვის განმავლობაში მეგრული სამზარეულოს დიდებულებით გიმასპინძლებთ და თითოეულ კერძს გაგაცნობთ. გემოების მოგზაურობა, სადაც კოლხური სამზარეულოს ჯადოსნური სამყარო თქვენს თვალწინ გაცოცხლდება.
ამბობენ, სირაჯები თბილისის სულისჩამდგმელები არიან. მათ ხელში თითოეული კერძი ზღაპრად იქცევა, თითოეული ლუკმა — ისტორიად. ქართული სამზარეულოს მრავალფეროვან პალიტრაზე მათი არჩევანი კოლხურ სიმდიდრეზე შეჩერდა. მეგრული კერძები რომ მეგრელმა უნდა მოამზადოს, აქაც არ შეცდნენ, საოცარი შეფის საუკეთესო კერძებით დიდებული მენიუც შეადგინეს. ამ ჯადოსნური მოგზაურობის მესაჭედ საოცარი ირმა ჯანჯღავა მოიწვიეს — შეფი, რომლის ხელებშიც მეგრული რეცეპტები ნამდვილ პოეზიად გარდაიქმნება.
გემოთა სიმფონია ფიროსმანის ქალაქში. ელარჯი — პირველი აკორდი ამ სიმფონიაში. სიფაფუკე, რომელიც ზღვის ნიავს მოჰყავს ენგურის ნაპირებიდან — თითოეული ლუკმა გაზაფხულის გამოღვიძებაა. საქონლის ხარჩო კი, ნამდვილი გემოთა ქარიშხალია, რომელიც ერთი შეხებით მთელ სამეგრელოს შემოგარბენინებთ. წარმოიდგინეთ კიტრის სალათი, მეგრული მწვანე აჯიკით შეკმაზული — მხოლოდ წინადადების წაკითხვაზეც კი ნერწყვი მოგადგებათ. პირველივე გემოზე გადაეშვებით სამეგრელოს ფერებითა და არომატებით სავსე მორევში, საიდანაც გამოსვლა არც კი, მოგინდებათ.
თუ ჯერ არ გაგისინჯავთ სირაჯების მიერ შექმნილი მეგრული ჯადოქრობა, დღესვე ესტუმრეთ "სირაჯხანას". ეს არ არის უბრალოდ ვახშამი — ეს არის მოგზაურობა სამეგრელოში, სადაც თითოეული კერძი ისტორიას გიყვებათ, ხოლო სუფრის დედოფალი — ფელამუში — ბოლოს გეპატიჟებათ თავისი ტკბილი ეპილოგით. ასე რომ, სამეგრელოს ამბავი თქვენს თეფშზე გელოდებათ. თითოეული კერძის ისტორია კი რესტორნის Facebook გვერდზე შეგიძლიათ წინასწარ გაეცნოთ: https://www.facebook.com/Sirajkhanawinerestaurant
გამოცადეთ კოლხეთის გემო — სირაჯხანა სამეგრელოს კართან გელოდებათ
