ექსპოზიციაზე წარმოდგენილია თანამედროვე ქართველი მხატვრების, სამხრეთკორეელი მხატვრებისა და სკულპტორების ასამდე ნამუშევარი.
გამოფენა საქართველოს კულტურის მინისტრმა თინათინ რუხაძემ დაათვალიერა.
გამოფენის ორგანიზატორები არიან ხელოვნებათმცოდნე მარინა აბულაძე, მარიამ აბულაძე და ქრისტინა იუ.
პროექტის პარტნიორები არიან თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახური და ორგანიზაცია Korea International Formative Arts-ი.
აბრეშუმის გალერეა გამოფენას 9 ივლისის ჩათვლით უმასპინძლებს.
