ოჯახის სიწმინდის და მშობლების პატივისცემის დღესთან დაკავშირებით, სრულიად საქართველოს კათოლიკოს-პატრიარქის ილია მეორის ლოცვა კურთხევით, საქართველოს სხვადასხვა ქალაქებში მსვლელობა გაიმართა.
ზუგდიდში მსვლელობა ვლაქერნის ყოვლადწმინდა ღვთისმშობლის ტაძრიდან დაიწყო, მსვლელობის შემდეგ სამღვდელოებამ ზუგდიდის მთავარ მოედანთან აღმართულ ყოვლადწმინდა ღვთისმშობლის მოზაიკურ ნიშასთან სამშვიდობო პარაკლისი აღავლინა.
საზეიმო მსვლელობაში მოქალაქეებთან ერთად მონაწილეობა მიიღეს, საქართველოს ვიცე-პრემიერმა, თავდაცვის მინისტრმა, ირაკლი ჩიქოვანმა, სამეგრელო-ზემო სვანეთის სახელმწიფო რწმუნებულმა, დავით ვერავამ, მისმა მოადგილეებმა, პარლამენტის წევრმა, ზუგდიდის დელეგატმა, დავით კოდუამ და რეგიონის მუნიციპალიტეტების მერებმა.
