თბილისის საკრებულოს უმრავლესობის დეპუტატი, ვლადიმერ ბოჟაძე, საქართველოს პრეზიდენტ სალომე ზურაბიშვილის მიერ “უცხოური გავლენის გამჭვირვალობის შესახებ” კანონზე ვეტოს დადებას სოციალურ ქსელში ეხმიანება.
ბოჟაძის თქმით, მას არ სურს, ნიკა გვარამიას დაეთანხმოს ზურაბიშვილის შეფასებაში, თუმცა, ფაქტია, რომ პრეზიდენტი “ნაცმოძრაობის” დეპოში იმყოფება.
“ძალიან არ მინდა დავეთანხმო, გვარამიას სალომე ზურაბიშვილი / Salome Zourabichvili შეფასებებში. რა ვეტო, რა მოტივირებული შენიშვნები, რა ,,რუსულო კანონი"? რას დაგამსგავსათ ,,გლობალური ომის პარტიამ"? დეპოში ხართ ქალბატონო სალომე,, დეპოში 
კოლექტიური ნაცმოძრაობის დეპოში!
ასე გამეტებით რატომ ებრძვით იმ ხალხს ვინც პრეზიდენტად აგირჩიათ და იმათი მონა გახდით ვინც უკანასკნელი სიტყვებით გლანძღავდათ, ნუთუ ღირსება და თავმოყვარება ბრიუსელში, ბოლო კერძო ვიზიტისას დატოვეთ. #მშვიდობადაწარმატებებისაქართველოს #ღირსებითევროპისკენ #წინევროპისკენ #EuropeanUnion - წერს ვლადიმერ ბოჟაძე.
შეგახსენებთ, საქართველოს პრეზიდენტმა სალომე ზურაბიშვილმა "უცხოური გავლენის გამჭვირვალობის შესახებ" კანონს ვეტო დაადო.
"დღეს დავადევი ვეტო რუსულ კანონს. ეს კანონი არის თავისი არსით, თავისი სულისკვეთებით, არის რუსული კანონი, რომელიც ეწინააღმდეგება ჩვენ კონსტიტუცია და ეწინააღმდეგება ყველა ევროპულ სტანდარტს და ამდენად წარმოადგენს შეფერხებას ჩვენს ევროპულ გზაზე.
ეს ვეტო არის სრულიად გამართული იურიდიულად და დღესვე გადაეცემა პარლამენტს. ეს კანონი არ ექვემდებარება არავითარ ცვლილებას, არავითარ გაუმჯობესებას და ამდენად არის ძალიან მარტივ ვეტო. ეს კანონი უნდა გაუქმდეს" - განაცხადა პრეზიდენტმა.
ცნობისთვის, 84 მომხრე - 30 წინააღმდეგი დღევანდელ პლენარულ სხდომაზე პარლამენტმა „უცხოური გავლენის გამჭვირვალობის შესახებ“ კანონპროექტი მესამე მოსმენით 2024 წლის 14 მაისს მიიღო. რომელიც საქართველოს პრეზიდენტს სალომე ზურაბიშვილს ხელმოსაწერად გადაეგზავნება
ევროპარლამენტმა საქართველოში "უცხოური გავლენის გამჭვირვალობის კანონპროექტთან" დაკავშირებით რეზოლუცია მიიღო. მას მხარი დაუჭირა 425-მა ევროპარლამენტმა, წინააღმდეგ 25 წავიდა, თავი შეიკავა 30-მა ევროპარლამენტარმა. - ევროპარლამენტი ევროსაბჭოსა და პარტნიორებს მოუწოდებს, ივანიშვილისთვის პირადი სანქციების დაწესება განიხილონ
2024 წლის 9 აპრილს "კი ევროპას! არა რუსულ კანონს!" - თბილისში მსვლელობა დაიწყო, რომელიც, საპროტესტო აქციებით დღემდე გრძელდება.
