თბილისმა სამბოში ევროპის ჩემპიონატს უმასპინძლა.
ჩემპიონატზე იასპარეზა თელაველმა სპორტსმენმა, ვახტანგ ჩიდრაშვილმა, რომელმაც 58 კგ წონით კატეგორიაში ევროპის ვიცე-ჩემპიონის ტიტული მოიპოვა.
ჯამში, ეროვნულმა ნაკრებმა კონტინენტის პირველობა 13 მოპოვებული მედლით დაასრულა. საქართველოს ანგარიშზე 1 ოქრო, 5 ვერცხლი და 7 ბრინჯაოს მედალია.
ევროპის ჩემპიონატზე 34 ქვეყნის 300-ამდე სპორტსმენი მონაწილეობდა. საქართველომ სამბოს ევროპის ჩემპიონატს მეორედ უმასპინძლა, პირველად კონტინენტის პირველობა თბილისში 2008 წელს გაიმართა.
ცნობისათვის, თელაველი ვახტანგ ჩიდრაშვილი მსოფლიოს 6-გზის ევროპის 5-გზის ჩემპიონია.
