მსოფლიო ჩემპიონატში ჩაბმული ოთხი ქართველი მოჭიდავიდან სამი რეპეშაჟის გავლით ბრინჯაოს მედლის მოპოვების შანსს ინარჩუნებს

61კგ წონის მერვედფინალში გიორგი ღონიაშვილი 4:15 დამარცხდა კორეელ ჰუმ ჰიოლ კიმთან.

86 კგ წონითი კატეგორიის საკვალიფიკაციო წრეში ტარიელ გაფრინდაშვილმა მასპინძელი კრესო სკუგერი 10:0 დაამარცხა, მერვედფინალში კი 5:4-ს იგებდა, როდესაც სუფთად დამარცხდა.

70 კგ წონით კატეგორიაში მეორე ნომრად განთესილმა აკაკი ქემერტელიძემ მერვედფინალში უზბეკი ბეგიჟომ კულდაშევი 4:0 დაამარცხა, მეოთხედფინალში კი მონღოლ ტულგა ტუმურ ოჩირთან 0:11 დამარცხდა

125 კგ წონაში სოლომონ მანაშვილმა მერვედფინალში 10:0 სძლია კორეელ კიონმინ კიმ, მეოთხედფინალში კი პარიზის ოლიმპიური თამაშების ვერცხლის მედლის მფლობელ ირანელ ამირ ზარესთან ვერაფერი გააწყო და 0:10 დამარცხდა.

ამ წონის ნახევარფინალში ამირ ზარე ბაჰრეინელ შამილ შარიპოვს შეხვდება, აზერბაიჯანელი გიორგი მეშვილდიშვილი კი პოლონელ რობერტ ბარანს.

გიორგი ღონიაშვილი, აკაკი ქემერტელიძე და სოლომონ მანაშვილი რეპეშაჟში გადასვლის და ბრინჯაოს მედლის მოპოვების შანსს ინარჩუნებენ