"ნაციონალური მოძრაობის" აქტივისტის ნიკა რურუას ძმამ (რომელიც დაახლოებით ერთი წლის წინ მოულოდნელად გარდაიცვალა), გიორგი რურუამ „მთავარი არხის“ მეწილისგან, კახა ანჯაფარიძისგან 2.5%-იანი წილი იყიდა, რაშიც, როგორც ნასყიდობის ხელშეკრულებაშია მითითებული, 2 500 ლარი გადაიხადა.
"მადლობა Nika Gvaramia და მის გუნდს, მთავარი უფლების-სიტყვის თავისუფლების დამცველ,პატრიოტ და იდეის ხალხს" - წერს გიორგი რურუა თავის სოციალურ ქსელსი.
სანაცვლოდ გიორგი რურუამ აიღო ვალდებულება, რომ წილის რეგისტრაციიდან ერთი დღის ვადაში არხის საწესდებო კაპიტალში 250 000 აშშ დოლარი შეიტანოს.
გიორგი რურუას გამოეხმაურა ნიკა გვარამიაც:
პირველი ინვესტიციაც ავწიეთ: 2.5% გაიყიდა და გვყავს ახალი მინორიტარი მეწილე Giorgi Rurua. გამყიდველს არაფერი, ტელევიზიას - 250 ათასი დოლარი შენატანი კაპიტალში!
რაც შეეხება თავად მთავარ არხს და მისი შექმნის ისტორიას, ოფიციალური მონაცემების მიხედვით:
საჯარო რეესტრის ეროვნული სააგენტოს ვებ გვერდზე არსებული ჩანაწერების მიხედვით შპს "მთავარი არხი" არის ახალი სახელი შპს "კომედი არხის".
შპს "კომედი არხი" ს/ნ 404574518 საქართველოს იუსტიციის სამინისტროს სსიპ საჯარო რეესტრი ეროვნული სააგენტოს მიერ რეგისტრაციაში გატარდა 2019 წლის 1 მარტს.
შპს "კომედი არხის" წესდების მუხლი 2-ის - "საზოგადოების დამფუძნებლები და საწესდებო კაპიტალი" თანახმად, შპს-ს
დამფუძნებლები არიან:
1. გიორგი ჯაფარიძე - წილი 15%
2. იოსები კურდღელია - წილი 15%
3. კახაბერ ანჯაფარიძე - წილი 50%
4. შპს "კომედი +" ს/ნ 402119532 - წილი 20%
დირექტორი - გიორგი ჯაფარიძე
შპს "კომედი არხის" საწესებო კაპიტალი წესდებაში მითითებული არ არის.
შპს "კომედი+", ერთ-ერთი დამფუძნებელი შპს "კომედი არხის", საქართველოს იუსტიციის სამინისტროს სსიპ საჯარო რეესტრი ეროვნული სააგენტოს მიერ რეგისტრაციაში გატარდა 2019 წლის 28 თებერვალს, შპს "კომედი არხის" რეგიტრაციაში გატარების წინა დღეს.
შპს "კომედი+"-ის წესდების მუხლი 2-ის - "საზოგადოების დამფუძნებლები და საწესდებო კაპიტალი" თანახმად შპს-ს დამფუძნებლები არიან:
1. ალექსანდრე მალხაზიშვილი - 27%
2. თამარ ლეკვეიშვილი - 10%
3. ვასილ ფხაკაძე - 9%
4. ნიკოლოზ არაბიძე - 9%
5. ივანე ჯავახიშვილი - 9%
6. ირაკლი ცქიტიშვილი - 9%
7. კობა ბარათელი - 9%
8. თეიმურაზ გაფრინდაშვილი - 9%
9. ოთარ ლომთაძე - 9%
დირექტორი - ალექსანდრე მალხაზიშვილი
შპს "კომედი არხის" საწესებო კაპიტალი წესდებაში მითითებული არ არის.
2019 წლის 17 მაისს შპს "კომედი+"-ის 27%-იანი წილის მფლობელმა უსასყიდოდ დათმო 9% მიხეილ ანდღულაძის სასარგებლოდ.
2019 წლის 30 ივლისს შპს"კომედი არხის" თანადამფუძნებლებმა, გიორგი ჯაფარიძემ, იოსებ კურღელიამ და შპს "კომედი+"-მა (წარმომადგენელი შპს "კომედი+"-ის დირექტორი მალხაზ ალხაზიშვილი) სრულად და უსასყიდლოდ დათმეს თავიანთი კუთვნილი წილები და შპს "კომედი არხის" 100%-იანი წილის მფლობელი გახდა კახაბერ ანჯაფარიძე.
შპს "კომედი არხის" დირექტორი არ შეცვლილა.
2019 წლის 15 აგვისტოს შპს "კომედის არხის" 100%-იანი წილის მფლობელის მიერ მიღებული გადაწყვეტილების საფუძველზე:
ა) განთავისუფლდა თანამდებობიდან შპს-ს დირექტორი გიორგი ჯაფარიძე;
ბ) შეიცვალა შპს "კომედი არხის" სახელწოდება, და ეწოდა მას შპს "მთავარი არხი";
გ) დაინიშნა გენერალურ დირექტორად ნიკა გვარამია;
დ) დაინიშნა ფინანსურ დირექტორად ირაკლი ნიჟარაძე;
ე) დაინიშნა დირქტორად თამთა მურადაშვილი;
ვ) დაინიშნა დირექტორად დიმიტრი საძაგლიშვილი.
2019 წლის 16 აგვისტოს შპს "მთავარი არხის" 100%-იანი წილის მფლობელმა უსასყიდლოდ დათმო 51% ნიკა გვარამიას სასარგებლოდ და ამ დროისთვის შპს "მთავარი არხის წილის მფლობელები არიან:
1. ნიკა გვარამია - 51%
2. კახაბერ ანჯაფარიძე - 49%
კახაბერ ანჯაფარიძე არის ერთ-ერთი მეწილე იმ სარეკლამო კომპანიის („ინტერ მედია პლიუსი"), რომელთან გაფორმებული ხელშეკრულების გამო პროკურატურამ “რუსთავი 2-ის” ყოფილ დირექტორს ნიკა გვარამიას ბრალი წაუყენა.
