2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები,პრეტენდენტები ან მიმწოდებლები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან ეს დოკუმენტები დაამოწმონ კვალიფიციური ელექტრონული შტამპით.
ცვლილებების საფუძველზე მომხმარებელს საშუალება ეძლევა,დაზოგოს დრო,დაძლიოს მანძილი.მსოფლიოს ნებისმიერი წერტილიდან დაამოწმოს დოკუმენტი ან გააფორმოს ხელშეკრულება.
სატენდერო ან საკონკურსო პირობების შემადგენელ დოკუმენტებს დამატებით აღარ ესაჭიროება კვალიფიციური ხელმოწერა ან კვალიფიციური შტამპი.იქიდან გამომდინარე, რომ კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს ან დაადასტუროს კვალიფიციური ხელმოწერით,ანდაც კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა:
- ყველა PDF დოკუმენტი სათითაოდ დაამოწმოს,დაადასტუროს კვალიფიციური ხელმოწერით ან კვალიფიციური შტამპით
- გააერთიანოს წარსადგენი დოკუმენტები ერთ PDF ფაილად, ხოლო თუ ერთიფაილის ზომა აღემატება 20 მეგაბაიტს – რამდენიმე PDF ფაილად და დაამოწმოს
ასევე,იმ შემთხვევაში, როდესაც შემსყიდველი ორგანიზაცია ითხოვს დანართს დოკუმენტების,რომლებიც გაცემულია მესამე პირის მიერ ან რომელზეც მიმწოდებლის გარდაშესრულებულია სხვა პირის ხელმოწერა, დამოწმებული ასლების ატვირთვას, ასეთიდოკუმენტის ელექტრონულ ვერსიაზე საჭიროა მისი ხელმომწერი პირ(ებ)ისკვალიფიციური ხელმოწერა ან კვალიფიციური შტამპი. თუ ამა თუ იმ მიზეზის გამო
ასეთი ელექტრონული დოკუმენტი ვერ მოწმდება შესაბამისი პირის კვალიფიციური ელექტრონული ხელმოწერით ან შტამპით, ამ შემთხვევაში, პრეტენდენტმა სისტემაში უნდა ატვირთოს მატერიალური დოკუმენტის სანოტარო წესით დამოწმებულ ელექტრონული ასლი.
ასევე, სატენდერო ან საკონკურსო პირობებით მოთხოვნილ სხვა დამატებით ინფორმაციას, მაგალითად: გეგმები და პროექტის ნახაზები, დასკვნები, MAF, უცხოურიდოკუმენტების თარგმანი, ექსპერტიზის დასკვნები,აკრედიტაცია,ნებართვა,ხელშეკრულება, მიღება-ჩაბარების აქტები, დიპლომი,სიგელი,სერთიფიკატი,ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
ამასთანავე, შემსყიდველი ორგანიზაცია ვალდებულია, მის მიერ შექმნილი, შესყიდვის შესახებ დასაბუთებული გადაწყვეტილება (მაგ., ბრძანება და წერილი სააგენტოს თავმჯდომარის სახელზე) დაამოწმოს/დაადასტუროს კვალიფიციური ხელმოწერით ანკვალიფიციური შტამპით. რაც შეეხება სხვა დამატებით ინფორმაციას, მათ აღარ ესაჭიროება კვალიფიციური ხელმოწერა ან/და კვალიფიციური შტამპი.
ასევე, შემდგომი დამოწმების ან დადასტურების პროცედურების თავიდან არიდების მიზნით,სააგენტო ურჩევს შემსყიდველ ორგანიზაციებსა და მიმწოდებლებს, დოკუმენტები იმთავითვე ელექტრონული ფორმით შექმნან. მაგალითად: ხელშეკრულებები, მასში ცვლილებები, მიღება-ჩაბარებისაქტები, მომართვის წერილები და სხვ. მხარეებმა გააფორმონ ელექტრონულად, კვალიფიციური ხელმოწერის გამოყენებით; კორესპონდენცია, დასკვნები და სხვა დოკუმენტები თავიდანვე შედგეს ელექტრონულად და დამოწმდეს,დადასტურდეს კვალიფიციური ხელმოწერით ან კვალიფიციური
შტამპით.
აღსანიშნავია ისიც,რომ კვალიფიციური ხელმოწერით ან კვალიფიციური შტამპით დადასტურებას არ საჭიროებს ელექტრონული დოკუმენტი, რომელიც უკვე დამოწმებულია,დადასტურებულია კვალიფიციური ხელმოწერით ან კვალიფიციური შტამპით. (გარდა ასეთი დოკუმენტის ამონაბეჭდისა, რომელიც დასკანერების შემდეგ თავიდან საჭიროებს დამოწმება ან დადასტურებას) ან სხვა დოკუმენტი, რომლის მიმართაც საქართველოდ კანონმდებლობა არ მოითხოვს დოკუმენტზე ხელმოწერის შესრულებას ან შტამპის დასმას.
ცნობისთვის,
დოკუმენტის ელექტრონულად ხელმოწერისათვის საჭიროა იქონიოთ: ID ბარათი, ID ბარათის PIN Code, ID ბარათის წამკითხველი მოწყობილობა და კომპიუტერზე დაინსტალირებული პირადობის ელექტრონული მოწმობის უნივერსალური პროგრამა.
