"მსგავსი შემთხვევა ადრეც არაერთხელ მომხდარა. დიდი ხანია ვითხოვთ, რომ შესაბამისი სამსახურები დაინტერესდნენ აღნიშნული ვითარებით. მიმართავთ კულტურისა და სპორტის სამინისტროს, რათა დაზიანებული უბნების შეკეთებამდე და შენობის უსაფრთხოების დადგენამდე შეჩერდეს ფოთის თეატრში სპექტაკლებისა და სხვა ღონისძიებების გამართვა. წინააღმდეგ შემთხვევაში ფოთის თეატრი იხსნის პასუხისმგებლობას მოსალოდნელ შედეგებზე", - განაცხადა თეატრის დირექტორმა თენგიზ ხუხიამ.
ფოთის თეატრი 2014 წელს დიდი ზარ- ზეიმით გაიხსნა. იგი 9 წლის განმავლობაში შენდებოდა და ბიუჯეტს 11 მლნ ლარზე მეტი დაუჯდა. მალევე გაირკვა, რომ შენობა ავარიული იყო და მსახიობებმა მისი რეაბილიტაცია მოითხოვეს, თუმცა უშედეგოდ... გახსნიდან ერთი წლის შემდეგ თეატრში ტრაგედია დატრიალდა. სასცენო ლიფტი ჩაწყდა, შედეგად სცენის მემონტაჟემ ხერხემლის მძიმე დაზანება მიიღო, ის დღემდე ლოგინს არის მიჯაჭვული და მკურნალობას გადის.
