საკითხზე სამუშაოდ დაიგეგმა ერთობლივი ჯგუფის შექმნა. მერიისა და არასამთავრობო სექტორის წარმომადგენლები ასევე იმყოფებოდნენ არსებული თავშესაფრის ტერიტორიაზე, სადაც დაიგეგმა დამატებითი ვოლიერების მოწყობა მიუსაფარი ცხოველების დასაბინავებლად.
ასევე იმყოფებოდნენ ნაგავსაყრელის ტერიტორიაზე, რომელიც მალე დაიხურება და ექსპლუატაციაში შევა ცეცხლაურში აშენებული ახალი ნაგავსაყრელი. მნიშვნელოვანია, რომ უკვე დაგეგმილია და გათვალისწინებულია შესაბამისი თანხები ჩაქვის ტერიტორიაზე ახალი, თანამედროვე სტანდარტის ცხოველთა თავშესაფრის მოსაწყობად, რომლის მშენებლობაც მალე დაიწყება. აღსანიშნავია, რომ მერიის პროგრამის ფარგლებში, ყოველდღიურ რეჟიმში ხორციელდება მიუსაფარი ცხოველების ვაქცინაცია, მკურნალობა, საჭიროების შემთხვევაში, ოპერაცია და პროგრამით გათვალისწინებული სხვა ღონისძიებები.
ბათუმის მერია ემიჯნება ცხოველების მიმართ სასტიკ მოპყრობას და იღებს სრულ პასუხისმგებლობას მიუსაფარ ცხოველთა უფლებების დაცვისა და მათზე ზრუნვის ნაწილში.
არჩილ ჩიქოვანი - ბოლო დღეების განმავლობაში, მიუსაფარ ძაღლებთან დაკავშირებით, ინტენსიური შეხვედრებს ვმართავ ასამთავრობო სექტორთან და მუნიციპალურ სამსახურებთან.
პრობლემა რეალურად დგას ჩვენი ქალაქის წინაშე და მას დიდი ხნის ისტორია გააჩნია. ამ ეტაპისათვის, ჩვენ ძალიან სწრაფად და ეფექტურად უნდა მოვახდინოთ მყისიერი რეაგირება ყველა მიმართულებით, რათა მიუსაფარ ცხოველთა მდგომარეობა, მათი უფლებები და მათზე ზრუნვის ნაწილი იყოს დარეგულირებული. ამაზე პასუხისმგებლობას სრულად იღებს მუნიციპალიტეტი, თუმცაღა, მნიშვნელოვანია არასამთავრობო ორგანიზაციების გამოცდილება ამ კუთხით და მათთან ურთიერთთანამშრომლობა. ამისათვის, ჩვენ შევქმენით შერეული ჯგუფი, სადაც ჩართულები იქნებიან მუნიციპალური და შესაბამისი სამსახურები, მათი ხელმძღვანელები, კომპანია ,,სევერი“ და ბუნებრივია, არასამთავრობო ორგანიზაციები. პერიოდულად მოხდება შეხვედრები აღნიშნული პრობლემატიკის შესწავლის მიზნით, დაისახება კონკრეტული გეგმები და ამოცანები. თუმცა, აქვე მინდა აღვნიშნო, თქვენ იცით, მუნიციპალიტეტს მიღებული აქვს გადაწყვეტილება, რაც უკვე საბიუჯეტო ცვლილებებზე დავაანონსეთ, ახალი თავშესაფრის მშენებლობის შესახებ, რომელიც გრძელვადიან პერსპექტივაში ეფექტურად მოაგვარებს პრობლემას. ეს იქნება თანამედროვე სტანდარტების შესაბამისი უსაფრთხო გარემო, როგორც ცხოველთათვის, ასევე ვიზიტორთათვის. სამედიცინო სფეროდან დაწყებული, ყველა სახის მომსახურება გაეწევა მუნიციპალიტეტის ტერიტორიაზე მყოფ უსახლკარო, მიუსაფარ ცხოველებს. აღნიშნულის გათვალისწინებით, ჩვენ ინტენსიურ რეჟიმში განვაგრძობთ მუშაობას, განსაკუთრებით, არასამთავრობო ორგანიზაციების ჩართულობით.
