"უცხოური გავლენის გამჭვირვალობის კანონის" წინააღმდეგ შეტანილ სარჩელებთან დაკავშირებით, ხვალ საკონსტიტუციო სასამართლოში გამწესრიგებელი სხდომა გაიმართება.
პარლამენტის წევრი, პლატფორმა ”ერთიანობა - ნაციონალური მოძრაობა” თამარ კორძაია აცხადებს, რომ კანონის სრულად ამოქმედება ქვეყანას გამოუსწორებელ ზიანს მოუტანს.
"ყველანაირად ვეცდებით ხვალ საკონსტიტუციო სასამართლოს დავუსაბუთოთ რისკები, რაც მოჰყვება კანონის სრულად ამოქმედებას. თუ საკონსტიტუციო სასამართლო სრულად არ შეაჩერებს კანონის მოქმედებას, ეს გამოიწვევს საქართველოს სამოქალაქო საზოგადოებისთვის და საქართველოს დემოკრატიისთვის გამოუსწორებელ ზიანს,"- აცხადებს თამარ კორძაია.
