პარტია „ხალხის ძალის“ წევრი, დეპუტატი სოზარ სუბარი „ქართული ოცნების“ მიერ 12 წლის წინ, 1 ოქტომბერს მოპოვებულ გამარჯვებას ეხმიანება.
„დღესაც ზუსტად ისეთივე საბედისწერო არჩევნებია, როგორიც იყო 2012 წელს - სასწორზე დგას საქართველოს და ქართველი ხალხის ყოფნა- არ ყოფნა“- აღნიშნა დეპუტატმა და განმარტა, რომ საჭიროა არჩევნებზე „ქართულმა ოცნებამ“ დამაჯერებელი გამარჯვება მოიპოვოს, რათა საქართველოს შეუნარჩუნოს მშვიდობა და სწრაფი ეკონომიკური ზრდა.
“რომ არ ყოფილიყო 2012 წლის 1-ლი ოქტომბერი, დღეს ქართული სახელმწიფო არ იარსებებდა. დღესაც ამისკენ მიისწრაფვის ნაციონალური მოძრაობა და უცხო ქვეყნის კოლექტიური აგენტურა - სურთ საქართველო ჩართონ ომში. ამიტომ, დღესაც ზუსტად ისეთივე საბედისწერო არჩევნებია, როგორიც იყო 2012 წელს. ახლაც სასწორზე დგას საქართველოს და ქართველი ხალხის ყოფნა- არ ყოფნა და ჩვენ ეს არჩევნები მშვიდობით უნდა გავიაროთ. ჩვენ უნდა მოვიპოვოთ დამაჯერებელი გამარჯვება იმისთვის, რომ არა მხოლოდ მშვიდობა შევუნარჩუნოთ საქართველოს, არამედ შევუნარჩუნოთ სწრაფი ეკონომიკური ზრდა,“- აღნიშნა სოზარ სუბარმა.
