საქართველოს პრემიერ-მინისტრის, ირაკლი ღარიბაშვილის განმარტებით, ტყუილია ინფორმაცია, რომ ჯანდაცვის მინისტრი შეიძლება შეიცვალოს.
მთავრობის ადმინისტრაციაში გამართულ ბრიფინგზე, სადაც პრემიერმა განათლების ახალი მინისტრი, გიორგი ამილახვარი წარადგინა, ჟურნალისტის კითხვაზე, იცვლება თუ არა ჯანდაცვის მინისტრიც, პრემიერი მოკლე პასუხით შემოიფარგლა და განაცხადა: „ტყუილია, ტყუილი”.
ცნობისთვის, მედიაში გავრცელდა ინფორმაცია, რომ ჯანდაცვის მინისტრი ზურაბ აზარაშვილი თანამდებობას დატოვებდა და მას თეა წულუკიანი შეცვლიდა.
