სახელმწიფო იქნება პასუხისმგებელი, რომ ნარკოდამოკიდებულ ადამიანს, რა თქმა უნდა, მიეწოდოს შესაბამისი დახმარება, თუმცა არავინ არ იყოს წახალისებული მოხმარების კუთხით, - ამის შესახებ პარლამენტის ერთ-ერთმა ვიცე-სპიკერმა, ნინო წილოსანმა განაცხადა.
"თუ კერძო შემთხვევებში, ამ ორივე მიმართულებით ბოროტად სარგებლობდნენ ადამიანები და, პირიქით, ნარკომომხმარებლების განკურნებაზე და მათ დახმარებაზე კი არ იყვნენ ორიენტირებულნი, არამედ, პირიქით, ნარკოტიკების გავრცელებაზე, ამ შემთხვევაში, სრულად იქნება ეს აღმოფხვრილი და სახელმწიფო იქნება პასუხისმგებელი, რომ ნარკოდამოკიდებულ ადამიანს, რა თქმა უნდა, მიეწოდოს შესაბამისი დახმარება, თუმცა არავინ იყოს წახალისებული მოხმარების კუთხით," - აღნიშნა ნინო წილოსანმა.
