მინდა ვუთხრა ე.წ. პარლამენტის თავმჯდომარეს, თქვენ უნდა მოიხადოთ ბოდიში, რომ აი ამ მდგომარეობამდე მომიყვანეთ. - განაცხადა მსჯარვდადებულმა საქართველოს მესამე პრეზიდენტმა, მიხეილ სააკაშვილმა, რომელიც სასამართლო სხდომას დისტანციურად ერთვება.
მიხეილ სააკაშვილი "ქართული ოცნების" ლიდერების, მათ შორის პარლამენტის თავმჯდომარის, შალვა პაპუაშვილის განცხადებას გამოეხმაურა, რომელმაც თქვა, რომ ევროპარლამენტარებმა, რომლებიც მიხეილ სააკაშვილის ჰუმანიტარული მიზნით გათავისუფლებას ითხოვდნენ, ბოდიში უნდა მოიხადონ.
"თურმე ევროპამ ბოდიში უნდა მოიხადოს, ევროპარლამენტმა, რომ ითხოვენ ჩემ გათავისუფლებას. მინდა ვუთხრა ე.წ. პარლამენტის თავმჯდომარეს, თქვენ უნდა მოიხადოთ ბოდიში, რომ აი ამ მდგომარეობამდე მომიყვანეთ. აი ამ მდგომარეობამდე მომიყვანეთ, ბოდიში უნდა მოიხადოთ თქვენ ევროპარლამენტარების წინაშე, ჩემ წინაშე, ჩემი ოჯახის წინაშე, უკრაინის სახელმწიფოს წინაშე, რომ მისი მოქალაქე ამ მდგომარეობაში არის, ყველა ქართველის წინაშე, რომ ქართული სახელმწიფოს დამფუძნებელი არის ამ მდგომარეობაში ჩაყენებული", - თქვა მიხეილ სააკაშვილმა.
