თუ საჭირო გახდა შევვარდებით და გამოვიხსნით პრეზიდენტ სააკაშვილს - ამის შესახებ ენმ-ს თავმჯდომარეობის ერთ-ერთმა კანდიდატმა ლევან ხაბეიშვილმა „ტვ პირველის“ ეთერში განაცხადა.
„როცა კანონგარეშეა ხელისუფლება, როცა ოლიგარქიაზეა საუბარი და ევროკავშირსა და ჩვენს შორის დგას ბიძინა ივანიშვილი, მე მგონია, რომ ყველა მოქმედება ჩვენი მხრიდან იქნება ლეგიტიმური და მე არ ვაპირებ, რომ, მათ შორის, ფიზიკურად დავიხიო რამეზე უკან, ის ბარიკადი, რაც იქნება ჩვენს წინ, არ გადავლახოთ. შევვარდებით და ფიზიკურად გამოვიხსნით სააკაშვილს, თუ საჭირო გახდა, ამასაც გავაკეთებთ. ნუ გგონიათ, რომ ან ამაზე არ წავალთ, ან ამას არ გავაკეთებთ, იმიტომ, რომ აქ კონკრეტულად მიშა სააკაშვილის ბედზე კი არ არის ლაპარაკი, საუბარი არის მიშა სააკაშვილის ბედზე და ჩვენი ქვეყნის მომავალზე“- განაცხადა ლევან ხაბეიშვილმა.
