"ძალიან, ძალიან უნიჭოები ხართ! საცოდავები! უნიჭო პროვოკატორები, გამყალბებლები"... - ასე ეხმიანება ლადო ბედუკაძე ფეისბუქის საკუთარ გვერდზე ეკა კვესიტაძის გადაცემას "განსხვავებული აქცენტები".
"საზიზღარი ბედუკაძე - ცემს, აწამებს, დასცინის, ხმა ისმის... ერთი კადრი მაინც დაგედოთ ცემის, გაგიჭირდათ?
გგონიათ სასამართლოს მივმართავ ამ სიყალბისთვის? ამ სამი წლის მანძილზე ათასნაირ პროვოკატორ, ე.წ. ჟურნალისტს და მათ მსგავს არსებას გადავაწყდი...
მოდით, დეტალურად განვიხილოთ ეს „აქამდე უცნობი“ ვიდეო მასალა: დავიწყოთ, იმით, თუ როგორ სპეციალურად ვაწამებდი, ვცემდი, ვაუპატიურებდი და ვდგამდი ასეთ მასალებს...
ცოტა არ იყოს, მეწყინა, რომ კადრებში არსად ვჩანვარ, როგორც წამყვანი ამბობს, როგორ ვურტყამ, ვაწამებ და ვაუპატიურებ პატიმრებს... ისმის მხოლოდ ჩემი ხმა, ან შეიძლება არც ჩემი... წესია, მაინც მრავალფეროვნებისთვის კადრში რამდენიმე, განსხვავებული ხმის შემოყავანა ...
თურმე, ნუ იტყვი, „ნაციონალური მოძრაობის“ ანკარა წყაროსთვის ჩემი და ქალბატონ ჯღარკავას „მიმოწერა“ კარდინალურად განსხვავდება უკრაინული „ვიკილიქსისგან“ და უკიდურესად (!) სარწმუნოდ გამოიყურება.
მერაბიშვილის მარჯვენა ხელის მეუღლის, კვესიტაძის დასკვნით, თურმე ლადო ბედუკაძე, გახლდათ ყველა ამ დადგმის ორგანიზატორი და შემსრულებელი. ეს საზიზღარი ბედუკაძე მონაწილობდა პატიმრების ცემაში, წამებაში და უტეხდა სახელს უმანკო „ნაციონალურ ერთობას“!
აქ ახალი არაფერი გითქვამთ, ეს იგივეა რაც ექსპრეზიდენტ სააკაშვილის 2012 წლის „დასკვნა“ ე. წ. „ციხის კადრების“ შესახებ - ბედუკაძე თვითონაა რეჟისორი, დამდგმელი ოპერატორი და შემსრულებელიც და თურმე, თავად მე-9 არხიც კი, ბედუკაძის ბინძური ფილმის გასაშვებად შექმნილა..
ქალბატონმა კვესიტაძემ მრავალ სხვათა და სხვათა, ჟურნალისტიკას მიტმასნილ ადამიანებთან ერთად, ბევრი იშრომა, იწვალა, ჭრა, კერა და აწება ფირები ერთმანეთს, თუმცა, ამაოდ...
პროკურატურამ რვა თვიანი გამოძიების შედეგად დაამუშავა მთელი ის მასალა, რაც შეეხებოდა ე.წ. ციხის თემატიკას, სრული მასალა, რაც შეეხებოდა ე.წ. ციხის კადრების საქმეს. მინდა გაგაწბილოთ, ჩემო კარგებო, ტყუილად გაისარჯეთ და სიხარულით ახორხოზდით.. თუმცა, თქვენ, დარმუნებული არ ხართ, პროკურატურის მიუკერძოებლობაში, მაგრამ მთავარი ხომ ბრალდებაა, ეს წმინდა წყლის კომუნისტური მეთოდი - შენ დააბრალე და მერე იმან თავი იმართლოს...
მეგობრებო გაფრთხილებთ - ერთმანეთს არ გადაუზიაროთ ეს ამბავი, რომ გასკდეს, ნაცხროვა ციხეებიდან თავს არ გამოგვაყოფინებს", - წერს ლადო ბედუკაძე ფეისბუქის საკუთარ გვერდზე.
