საქართველოს მოქალაქეებს რომ იტაცებენ ოკუპანტები - სუსი ხმას არ იღებს. გინტურის მკვლელობაზე განცხადებაც კი არ გაუკეთებიათ. ჩვენს ოკუპორებულ ტერიტორიაზე რუსების აშენებულ სამხედრო ბაზაზე ხმა არ ამოუღიათ. სამაგიეროდ, მორიგ “რევოლუციურ სცენარზე” ათგვერდიანი განცხადება გაავრცელეს. გინებამ არ უშველა, - ამის შესახებ  "ევროოპტიმისტების" დეპუტატი ხატია დეკანოიძე სოციალურ ქსელში წერს.

შეგახსენებთ: სახელმწიფო უსაფრთხოების სამსახურმა გაავრცელა განცხადება, რომ პირთა გარკვეული ჯგუფები ცდილობენ საქართველოს პარლამენტთან მიმდინარე აქციების დროს მოაწყონ პროვოკაციები, რაც მიზნად ისახავს დესტრუქციული და ძალადობრივი სცენარების განვითარებას და რომელიც იმართება უცხო ქვეყნებიდან მომდინარე დაფინანსებით.