„მგონია, რომ ეს არის მათი პატრონების დავალება, საიდანაც იმართებიან და ვისი ინტერესიც არის, რომ ქვეყანაში იყოს დაძაბულობა და რყევები“, - ამის შესახებ დედაქალაქის მერმა, კახა კალაძემ განაცხადა.
თბილისის მერის თქმით, გარკვეული ძალები სწორედ ამ ადამიანების ხელით აღვივებენ პოლარიზაციას და დაპირისპირებას ქვეყანაში.
„არავისთვის არაა ახალი ის, რომ ენჯეოები დღეს ჩვეულებრივ პოლიტიკურ პარტიებად ჩანან და მხარეს წარმოადგენენ. რაზე უნდა ვილაპარაკოთ, როდესაც 2020 წლის არჩევნებზე, ერთ-ერთი არასამთავრობო ორგანიზაცია, რომელიც პარალელურ დათვლებს აკეთებდა, გააყალბა პარალელური დათვლები იმისთვის, რომ ქვეყანაში არეულობა შემოეტანა, რევოლუცია და გადატრიალება მოეწყოთ. რაზე ვსაუბრობთ?!
ეს არასამთავრობო ორგანიზაციები არიანი ისინი, ვინც თავს ესხმიან სხვადასხვა ინსტიტუციას, ეკლესიას, სარწმუნოებას, ყველა მიმართულებით, რაც ჩვენთვის მნიშვნელოვანი და ძვირფასია. ეს არასამთავრობო ორგანიზაციები ყველაფერს კადრულობენ და აკეთებენ, რომ ვიღაცას ტალახი ესროლონ“, - განაცხადა კახა კალაძემ.
