სოფელ გეგუთში, ოპოზიციის აქტივისტისა და "ქართული ოცნების" წევრების დაპირისპირებას, რასაც მმართველი გუნდის წევრის, ერმილე გიგიაძის გარდაცვალება მოჰყვა, სოფო ჯაფარიძე გამოეხმაურა.
"ძალიან მძიმე ფაქტია. სამწუხაროდ,"ქართული ოცნება", 12 წლის განმავლობაში, ყოველდღიურად ნერგავს სიძულვილსა და ზიზღს საზოგადოებაში, რასაც, საუბედუროდ, ეწირებიან ჩვენი მოქალაქეები. კოალიცია "ერთიანობა - ნაციონალური მოძრაობა", მოქალაქეებს მოუწოდებს სიმშვიდისკენ", - განაცხადა სოფო ჯაფარიძემ.
წყალტუბოში, სოფელ გეგუთში "ქართული ოცნების" წევრი, ერმილე გიგიაძე გარდაიცვალა. ფაქტს წინ ოპოზიციის აქტივისტთან შელაპარაკება უძღოდა. კადრები იქვე მდებარე სათვალთვალო კამერამ გადაიღო.
